नायलॉन मांजा वापरणाऱ्यांवर कठोर दंड:
• अल्पवयीन मुले नायलॉन मांजा वापरताना आढळल्यास: त्यांच्या पालकांवर ₹२५,०००/- (पंचवीस हजार रुपये) दंड आकारण्यात येईल.
• प्रौढ व्यक्ती नायलॉन मांजा वापरताना आढळल्यास: संबंधितांवर ₹२५,०००/- (पंचवीस हजार रुपये) दंड आकारण्यात येईल.
• हा दंड थेट आरोपींकडून वसूल करण्यात येईल.
नायलॉन मांजा विक्रेत्यांवर मोठी कारवाई:
• नायलॉन मांजाची विक्री करणाऱ्यांवर ₹२,५०,०००/- (दोन लाख पन्नास हजार रुपये) दंड आकारण्यात येणार आहे.
• सदर दंडाची रक्कम दोषींकडून थेट वसूल करण्यासाठी बँकेत स्वतंत्र 'लोककल्याण खाते' उघडण्याचे आदेश जिल्हाधिकाऱ्यांना देण्यात आले आहेत. क्यूआर कोडच्या माध्यमातून दंडाची रक्कम थेट जमा करता येईल, अशी व्यवस्था करण्यात येणार आहे.
नायलॉन मांजा का धोकादायक आहे?
नायलॉन मांजा हा अत्यंत धारदार आणि मजबूत असल्याने तो अनेकदा नागरिक, दुचाकीस्वार, लहान मुले आणि पक्ष्यांच्या गळ्याला किंवा शरीराला गंभीर दुखापत करतो, ज्यामुळे अपंगत्व किंवा मृत्यू देखील ओढवू शकतो. या धोक्यांमुळेच उच्च न्यायालयाने यावर बंदी घातली आहे.
नागरिकांना आवाहन:
पोलीस प्रशासनामार्फत वणीतील सर्व नागरिकांना आवाहन करण्यात येते की, नायलॉन मांजाचा वापर पूर्णपणे टाळावा. सुरक्षिततेच्या दृष्टीने केवळ सूती किंवा कागदी मांजाचाच वापर करावा. आदेशाचे उल्लंघन करणाऱ्यांविरुद्ध कठोर कायदेशीर कारवाई करण्यात येईल, असे पोलीस प्रशासनाने स्पष्ट केले आहे.
नागरिकांनी या नियमांचे पालन करून स्वतःची आणि इतरांची सुरक्षितता सुनिश्चित करावी, असे आवाहन वणी पोलीस स्टेशनच्या वतीने करण्यात आले आहे.