, शहरातील वाढती गर्दी आणि अव्यवस्थित वाहतुकीमुळे अपघातांचा धोका वाढला आहे. यावर नियंत्रण मिळवण्यासाठी खालील प्रमुख मागण्या निवेदनात करण्यात आल्या आहेत:
१. एकेरी वाहतूक व्यवस्था पुन्हा सुरू करा: कोविड काळात बंद करण्यात आलेली एकेरी (One-Way) वाहतूक व्यवस्था पूर्ववत सुरू करण्यात यावी. विशेषतः टिळक चौक ➔ काठेड ऑईल मिल ➔ टिळक चौक या मार्गावर ही व्यवस्था लागू केल्यास वाहतुकीचा ताण कमी होईल.
२. टिळक चौकात सिग्नल यंत्रणा: टिळक चौकातील वाढती रहदारी लक्षात घेता, तिथे तात्काळ नवीन 'वाहतूक सिग्नल' बसवण्यात यावा.
३. कमान चौकात कायमस्वरूपी पोलीस चौकी: कमान चौक हा शहरातील अत्यंत वर्दळीचा चौक असल्यामुळे, तिथे कायमस्वरूपी वाहतूक पोलीस चौकी स्थापन करण्यात यावी.
शहराच्या हिताच्या आणि नागरिकांच्या सुरक्षिततेच्या दृष्टीने वाहतूक विभागाने या मागण्यांचा गांभीर्याने विचार करून आवश्यक ती कार्यवाही तात्काळ करावी, अशी मागणी विजय चोरडिया यांनी केली आहे. प्रशासन यावर काय निर्णय घेणार, याकडे नागरिकांचे लक्ष लागले आहे.त्यावेळी विजय चोरडिया, दीपक कोकास,शुभम गोरे, वसुधा ढगे, मनीषा कोंगरे,भाग्यश्री वैद्य, प्रणोती बांगडे,सोनाली पुरी,हिमांशू बोहरा,शम सिद्धिकी, अनिल ढगे, अमृत पुरी, सुनील डोंगरे,राहुल उपाते, प्रज्योत ठावरी कार्यकर्ते उपस्तित होते